Transcription
1
Monsieur, il y a quelques jours que je receus une lettre qu’il vous pleust de
2
m’escripre du XVIIe du passé, de laquelle je vous mercye très humblement
3
et de la bonne souvenance que vous avés de moy. J’ay veu par ycelle la
4
bonne compaignie que vous avés à Grenoble qui ne se séparera à mon
5
jugement sans quelque bonne chère. Je suys bien marry que je n’ay
6
ce bien que d’en avoir ma part du playsir yci attandant le
7
temps propre du siège de La Rochelle. Durant ce peu de nèges que
8
nous avons heu, nous avons faict des forts qui ont esté fort
9
bien assaillis et défendus. L’on a faict aussi de fort belles masques et
10
passé ces troys de jeusne pour le jubilé le caresme prenant est
11
ouvert, encores que nous soyons devant Noël. Il ne se dict aultres
12
nouvelles que vous ne scachés bien, fors que monseigneur de Guyse
13
doibt arriver dans quatre ou cinq jours en ceste court revenant
14
de Champaigne, qui aporte asseurance signée de la pluspart des
15
gentilshommes qui estoyent de la nouvelle religion de ce gouvernement
16
là de désormays vivre catoliquemant. Dieu veulle qu’en Daulphiné
17
il continuent comme ilz ont commencé, ce que l’on espère
18
qu’ilz feront avec vostre saige et acoustumée ayde que vous y donnerés
19
et sur ce je me recommanderay très humblemant à vostre bonne
20
grâce, priant le Créateur vous tenir
21
Monsieur en très bonne santé longue et très heureuse vie. De
22
Parys, le VIème décembre 1572
23
Votre très humble allyé et très affectionné
24
Serviteur
25
Monestier